ကြယ်ပဲစိုက်ပျိုးနည်း
အစေ့ချစိုက်ပျိုးနည်းနှင့် ပျိုးထောင်စိုက်ပျိုးနည်း နှစ်နည်းရှိသည်။
အစေ့ချ စိုက်ပျိုးနည်းမှာ စိုက်မည့်နေရာ၌
တစ်ပေခွဲ ပတ်လည် ကျင်းတူးပြီး
စပါးခွံ မြေဆွေး နဲ့ နွေးချေး တို့ကို
ထည့်ပြီး နှစ်ရက်ရေလောင်းကာ မြေကြီးနှင့်နှပ်ထားရပါသည်။ စိုက်ပျိုးမည့်ကြယ်ပဲများကို ၂၄ နာရီကြာ ရေစိမ်ရသည်။
အစိုဓာတ်နည်းသော ကြယ်ပဲများကို
နှစ်ရက်ခန့် ရေစိမ်ရမည်။
စိုက်ပြီး ငါးရက်မှ ၇ရက်အတွင်း ကြယ်ပဲစေ့မှ အညှောင့်ပေါက်လာမည်။ အညှောင့်ပေါက်များကို မြေနှပ်ထားသော ကျင်းထဲသို့ တစ်စေ့ဆီထည့်ပီး မြေဆွေးအပေါ်မှ နှစ်လက်မဖုံးကာ သုံးရက် ၁ကြိမ် ရေပေးပါစိုက်ပျိုးပြီး ရက်၃၀ လောက် ရောက်လာပြီဆိုလျှင် အပင်တက်နိုင်အောင် တိုင်ထောင်ပေးဖို့အတွက် လိုအပ်လာပါသည်။
အသုံးပြုမည့် တိုင်များကို
ဝါး၊ သစ်သား၊ ကျောက်တိုင် စသဖြင့် သုံးကြသည်။ သို့သော် နှစ်ရှည်ပင် ဖြစ်သည့်အတွက်ကြောင့် ကျောက်တိုင်ကအသင့်တော်ဆုံး ဖြစ်သည်။ စိုက်ပြီး နှစ်လခွဲ ဝန်းကျင်တွင် အမြင့် ၅ပေခွဲလောက် ရောက်လာပါသည်။ ထိုအခါ ပင်စည်၏ အညွန့် ထိပ်ပိုင်းကို အပင်ကိုင်းများ ပြန့်ပွားလာအောင် ဖြတ်ပေးဖို့ လိုအပ်လာပါသည်။ရေကို ပုံမှန်အားဖြင့် သုံးရက်ကို တစ်ကြိမ်လောင်းပေးဖို့ လိုအပ်ပါသည်။
စိုက်သက်တမ်း လေးလ ငါးလလောက်တွင် အပွင့်များ ပွင့်လာပြီး အသီးများ သီးပါသည်။ အသီးများသီးပြီး တစ်လခွဲ ဝန်းကျင်ဆိုလျှင် အသီးများ ခြောက်လာကာ ခူး၍ ရပါပြီ။
ကြယ်ပဲ၏ ပျမ်းမျှအထွက်နှုန်းမှာ
တစ်ဧကကို ခြောက်ပေအကွာနှင့်
အပင်တစ်ထောင် စိုက်မယ်ဆိုလျှင်
တစ်နှစ် တစ်တန်ခန့် ထွက်ရှိသည်။
ဒုတိယနှစ်တွင် ကိုင်းဖြတ် ကိုင်းညှပ် စနှစ်ဖြင့် အပင်သေချာပြုစုနိုင်ပါက ထွက်နှုန်း ၂ဆ တိုးနိုင်သည်။
နွေရာသီတွင် ရေပေးနိုင်ဖို့ လိုအပ်ပြီး၊
မိုးရာသီတွင် ရေဝပ်သော နေရာများအား
မှိုဆေးဖျန်းပေးဖို့ လိုအပ်ပါသည်။
စိုက်ပင် အကွာဝေး အလိုက်
တစ်နှစ်လျှင် နှစ်ကြိမ်မျှ မြေဆွပေးဖို့
လိုအပ်ပါသည်။
အပူပိုင်းဒေသများတွင်စိုက်ပျိုးလိုပါက ပျိုးအိတ်ပျိုးပီး စိုက်ပျိုးလျှင် သင့်တော်သည်။ အညှောင့်ပေါက်များကို ပျိုးအိတ်ဖြင့် ပျိုးပီး အရိပ်အောက်တွင် ထားရှိပါ။ နေ့စဉ် ရေပုံမှန်လောင်းပေးပါ ပျိုးအိတ်သက်တမ်း ၁လခွဲ ၂လ အကြာတွင် ကျင်းတူး မြေနှပ်ထားသော ကျင်းထဲသို့ ပျိုးအိတ်ထည့်ပီး စိုက်ပျိုးနိုင်သည်။
အသေးစိတ်ထပ်မံ သိရှိလိုပါက
09 403747282
သို့ဆက်သွယ်မေးမြန်းနိုင်ပါသည်
Comments
Post a Comment