အာလူးစိုက်ပျိုးနည်း
ကမ္ဘာ့နိုင်ငံအများစုတွင် အာလူးသီးနှံသည် အာဟာရတန်ဘိုးမြင့်သောကြောင့် အဓိကအစားအစာအဖြင့် စားသုံးလျှက်ရှိသော သီးနှံ ဖြစ်ပါသည်။
စိုက်ပျိုးသည့်ဧရိယာအနေဖြင့် ပဉ္စမအဆင့်တွင်ရှိပြီး ထုတ်လုပ်မှုတန်ဘိုးအရ စတုတ္ထအဆင့်တွင် ရှိပါသည်။ မြန်မာနိုင်ငံ တွင် စစ်မဖြစ်ခင်ကအာလူးစိုက်ပျိုးမှုရှိခဲ့ပြီး အိန္ဒိယနိုင်ငံမှတဆင့် ၀င်ရောက်လာသည်ဟု သိရှိရပါသည်။ စစ်မဖြစ်မီအချိန်တွင် အာလူး တန်ချိန်(၃၀၀၀၀) အား အိန္ဒိယနိုင်ငံသို့ အများဆုံးတင်ပို့ခဲ့ပြီး၊ ၁၉၅၄ ခုနှစ်တွင် တန်ချိန် (၂၆၀၀) သာတင်ပို့နိုင်ခဲ့သည်။ ၎င်းကာလများတွင် စိုက်ဧက (၁၃၀၀၀) သာရှိခဲ့ပြီး တစ်ဧကအထွက်နှုန်း (၂-၃) တန်ထွက်ရှိခဲ့ပါသည်။ ၁၉၉၈-၉၉ ခုနှစ်တွင် အာလူးစိုက်ဧက (၅၇၈၈၀) ဧက စိုက်ပျိုးခဲ့ပြီး တတစ်ဧက (၃.၈) တန်နှုန်းဖြင့် တန်ချိန်ပေါင်း (၂) သိန်းကျော် ထုတ်လုပ်နိုင်ခဲ့ပါသည်။
ပြည်တွင်သုံးစွဲမှုမှာလည်း တန်ချိန် (၂)သိန်းရှိပါသည်။
ရှမ်းပြည်နယ်တွင် အာလူးစိုက်ဧကအများစု၏ (၇၅) ရာခိုင်နှုန်း ကျော်စိုက်ပျိုးထွက်ရှိပြီး စိုက်ပျိုးသူအတွက် အကျိုးအမြတ်ရှိသည့် သီးနှံများဖြစ်သည့်အပြင် အာဟာရဓာတ်တန်ဘိုးပါ မြင့်မားသဖြင့် မြန်မာနိုင်ငံအတွင်း စိုက်ပျိုးဖြစ်ထွန်းနိုင်သော ဒေသများတွင် တိုးချဲ့စိုက်ပျိုးလျက်ရှိပါသည်။
( မူရင်းဒေသ)
တောင်အမေရိကတိုက်၏ ပီရူးနိုင်ငံသည် အာလူးသီးနှံ၏ မူရင်းဒေသဖြစ်ပါသည်။ တောင်အမေရိကတိုက်မှ ဥရောပတိုက် သို့(၁၆) ရာစုနှစ်တွင် စတင်ရောက်ရှိလာပါသည်။
မြန်မာနိုင်ငံတွင် အများဆုံးစိုက်ပျိုးသောဒေသများ
အာလူးကို ရှမ်းပြည်နယ်တွင် အများဆုံးစိုက်ပျိုးပြီး၊ ရခိုင်ပြည်နယ်၊ မကွေးတိုင်း၊ မန္တလေးတိုင်း၊ ဧရာဝတီတိုင်း( ဟင်္သတ)တို့တွင် စိုက်ပျိုးကြပါသည်။
ရာသီဥတု
အာလူးသီးနှံသည်အေး၍ သမရာသီဥတုကို ကြိုက်နှစ်သက်ပါသည်။ မိုးရေချိန်လက်မ (၄၀ မှ ၈၀) အတွင်း ရွာသွန်းသော ဒေသများတွင် ဖြစ်ထါန်းပါသည်။ ဆည်ရေ၊ ချောင်းရေ၊ မြောင်းရေရရှိသည့်ိ ဒေသများတွင် ဆောင်းရာသီတွင် စိုက်ပျိုးကြပါသည်။ အာလူးစိုက်ပျိုး ဖြစ်ထွန်းသည့် အသင့်တော်ဆုံးအပူချိန် မှ (၁၆-၂၇) ဒီဂရီစင်တီဂရိတ်ဖြစ်၍ (၂၈) စင်တီဂရီစင်တီဂရိတ် ထက်ကျော်လွန်ပါက အပင်ကြီးထွားမှု နှေးကွေးသွားပါသည်။ အာလူးဥဆင်းမှုနှင့် ဥကြီးထွားမှုအတွက် နေ့၊ ညအပူချိန်ကွာခြားမှု အနည်းဆုံး (၁၅) ဒီဂရီစင်တီဂရိတ် ရှိရန်လိုအပ်ပါသည်။ အာလူးပင်၏ သက်တမ်းမှာ ပုံမှန်အားဖြင့် (၃) လခွဲမှ (၄) လအတွင်း ရှိပြီး၊ နေ့တာရှည်ပါက သက်တမ်းအနည်းငယ်ပိုရှည်၍ နေ့တာတိုပါက သက်တမ်းအနည်းငယ်တိုပါသည်။
မြေအမျိုးအစား
အာလူးသီးနှံကို မြေနီ၊ နုန်းတင်မြေ၊ ခဲမြေနက်မြေမျိုးတွင် ကောင်းစွာစိုက်ပျိုးနိုင်ပါသည်။ မြေစေးမြေမျိုးတွင် အာလူးစိုက်ပျိုးရန် မသင့်ပါ။ အာလူးစိုက်ပျိုးရန် အသင့်တော်ဆုံးမြေ၏ pH မှာ (၅.၅ မှ ၆.၅၀ အတွင်းဖြစ်ပါသည်။ မြေအချဉ်ဓာတ်နိမ့်ပါက အသင့်တော်ဆုံးမြေ pH ရရှိစေရန်မှာ ထုံးထည့်ပေးရန် လိုအပ်ကါသည်။
လက်ရှိစိုက်ပျိုးချိန်များ
ရှမ်းပြည်နယ်တွင် မိုးအာလူးကို ယာမြေများတွင် မတ်လ၊ ဧပြီလတွင် စိုက်ပျိုးပြီး သြ(ုတ်၊ စက်တင်ဘာလများတွင် တူးဖော်ကြပါသည်။ စကအာလူးအဖြစ် ယာမြေများတွင် ဇူလိုင်၊ သြဂုတ်လတွင် စိုက်ပျိုးပြီး နိုဝင်ဘာလနှင့် ဒီဇင်ဘာလတွင် တူးဖော်ကြပါသည်။ ဆောင်းရာသီတွင် ရေရရှိသော နေရာများတွင် ဇန်န၀ါရီလနှင့်ဖေဖော်ဝါရီလတွင် စိုက်ပျိုးပြီး ဧပြီလနှင့်မေလများတွင် တူးဖော်နိုင်ပါ သည်။ မြေပြန့်ဒေသများဖြစ်သည့် မန္တလေးတိုင်း၊ မကွေးတိုင်း (ဆင်ဖြူကျွန်း) ဒေသများတွင် ကျွန်းမြေနှင့်သဲချောင်းများတွင် အောက်တိုဘာလနှင့် နိုဝင်ဘာလများတွင် စိုက်ပျိုးပြီး ဇန်န၀ါရီလနှင့် ဖေဖော်ဝါရီလများတွင် တူးဖော်ကြပါသည်။
လက်ရှိစိုက်ပျိုးလျက်ရှိသောမျိုးများ
အများဆုံးစိုက်ပျိုးသောမျိုးမှာ စစ်ဗိုလ်မျိုး ဖြစ်ပြီး အာလူး၊ ဥပုံသဏ္ဍန်မှာ ဘဲဥပုံနှင့် လုံးဝိုင်းပုံရှိ၍ စိုက်ပျိုးသည့်ဒေသများအပေါ်မူတည်၍ ဖားမျိုး၊ အ၀ိုင်းမျိုးဟု ခေါ်ဝေါ်ကြပါသည်။ မဟာမိတ်မျိုး (Ally) အာလူးပုံသဏ္ဍန်မှာ လုံးရှည်ပုံရှိပြီး၊ ပင်လောင်းမြို့နယ်တွင် စိုက်ပျိုးကြ ပါသည်။ ဒေသမျိုးဖြစ်သည့် မြက်ဆန်နီမျိုး (သိုမဟုတ်) ရှမ်းမျိုးသည် အာလူးဥအရွယ်အစားသေးပြီး လုံးဝိုင်းပုံသဏ္ဍန်၇ှိပြီး စိုက်ပျိုးမှု မှာလည်း နည်းပါးပါသည်။
မျိုးတင်သွင်းစမ်းသပ်ခြင်း
၁၉၉၄-၉၅ ခုနှစ်တွင် စင်ကာပူနိုင်ငံမှ အပင်တစ်သျှုးမွေးမြူနည်းဖြင့် ရရှိပါသည့် LKP-1, LKP-2, LKP-3 နှင့် LKP-4 မျိုးများနှင့် ၁၉၉၆-၉၇ ခုနှစ်တွင် နယ်သာလန်နိုင်ငံမှ Latona မျိုးနှင့် ပါကစ္စတန်နိုင်ငံမှ မျိုး (၇) မျိုးဖြစ် သည့် Asterix, Caesar, Monalisar , Baraka , Glorrisant, Cantate နှင့် Symfonia မျိုးများကို တင်သွင်းစမ်းသပ်ခဲ့ပါသည်။
မြေပြုပြင်ခြင်း
ထယ်ရေး(၈) လက်မအနက်ရရန် ထယ်၉၂၀ ကြိမ်ထိုးပေးရသည်။ ထို့နောက် ထွန် (၄) စပ်အထိထွန်မွှေပေးပြီး ပေါင်းမြက်ကင်းစင် အောင် ကေက်ပစ်ရပါမည်။ နောက်ဆုံးတွင် ကြမ်းတုံးရိုက်၍ မြေသိပ်ထားရသည်။
မျိုးစေ့နှုန်း
အာလူးမျိုးတွင် မျိုးစုနားနေချိန် (Tuber Dormancy) (၂-၃) လခန့်ရှိပါသည်။ ထို့ကြောင့် ချက်ချင်းတူးဖော်ပြီး အာလူးမျိုးဥများတွင် မျိုးအဖြစ် ချက်ချင်းစိုက်ပျိုး၍မရပါ။ တူးဖော်ပြီး အာလူးမျိုးများကို (၂-၃) လခန့် အမှောင်ခန်းတွင် စနစ်တကျသိုလှောင်ရန် လိုအပ်ပါသည်။ မျိုးဥအရွယ်အစားမှာ လုံးလတ်အရွယ်အစားရျိရန်လို ပြီး စိုက်ပျိုးချိန် မတိုင်မီ တစ်ပတ်အလိုတင် မျိုးဥများကို အနည်းဆုံးမျက်စေ့(၂) ခုခန့်ပါအောင် ခွဲစိတ်၍ စိုက်ပျိုးပါက မျိုးလိုအပ်ချက် ပိဿာလျော့နည်းသွားပါမည်။ တစ်ဧကအတွက် မျိုးလိုအပ်ချက်မှာ
မိုး အာလူး(ယာမြေ) – ၅၀၀ ပိဿာ
ရေ အာလူး – ၆၀၀ ပိဿာ
ဆောင်း အာလူး – ၇၀၀ ပိဿာ
မြေသြဇာသုံးစွဲခြင်း
(က) သဘာဝမြေသြဇာ – နွားလှည်း (၂၀-၃၀) စီး
(ခ) ဓာတ်မြေသြဇာ
(၁) ယူရီးယား – ၂၂၄ ပေါင်
(၂) တီစူပါ – ၃၃၆ ပေါင်
(၃) ပိုတက်ရှိ – ၂၂၄ ပေါင်
စိုက်ပျိုးခြင်း
အားလူးစိုက်ပျိုးခြင်းကို ရှမ်းပြည်နယ်တွင် ရေသွင်းစိုက်ပျိုးနည်းနှင့် ကုန်းစိုက်ပျိုးနည်းဟူ၍ နည်း(၂၀ နည်းဖြင့် စိုက်ပျိုးလေ့ရှိကြပါသည်။ ဧရာဝတီတိုင်း၊ မန္တလေးတိုင်း၊ မကွေးတိုင်းတို့တွင် ကျွန်းမြေများတွင် စိုက်ပျိုးနည်းနှင့် သဲချောင်းများတွင် စိုက်ပျိုးနည်းတို့ဖြင့် စိုက်ပျိုးလေ့ ရှိပါသည်။ အပုပ်အနာကင်းသောမျိုး၊ မျက်စိတိမ်၍ မျက်စိနည်းသောမျိုးကို ရွေးချယ်ရမည်။ အာလူးကို အလုံးလိုက်သော်လည်းကောင်း၊ ခွဲစိတ်၍လည်းကောင်း စိုက်ပျိုးကြပါသည်။ မျိုးအာလူးကို Aereton (6) စိမ်ပြီးမှ စိုက်ပျိုးရပါမည်။ တန်ကြား၉၂.၅)၊ ပင်ကြား (၆.၉) လက်မခြား၍ စိုက်ပျိုးပါက (၁) ဧကတွင် အပင်ဦးရေ (၁၅၀၀၀) မှ (၃၅၀၀၀) ထိ ၀င်ဆန့်ပါသည်။
ရေသွင်းစိုက်ပျိုးနည်း
ရေသွင်းစိုက်ပျိုးနည်းကို ကလောမြို့နယ်၊ ဟဲဟိုးချိုင့်ဝှမ်းတွင်သာ စိုက်ပျိုးလေ့ရှိကြပါသည်။ ရေပေးသွင်း၍ ရေအာလူး( ဆောင်းအာလူး) အဖြစ် ဇန်န၀ါရီလ၊ ဖေဖော်ဝါရီတွင်သာ စိုက်ပျိုးကြပါသည်။
ကုန်းစိုက်ပျိုးခြင်း
ကုန်းစောင်းဆင်ခြေလျော မြေနီသဲဝှမ်းမျိုးတွင် စိုက်ပျိုးလေ့ရှိပါသည်။ ရှမ်းပြည်တောင်ပိုင်း၊ ပင်လောင်း၊ ကလော၊ ပင်းတယ၊ ရွာငံမြို့နယ် များတွင် မိုးအားလူးအဖြစ် (မတ်လ၊ ဧပြီလ) များတွင် စိုက်ပျိုးကြပါသည်။
ကျွန်းနှင့် သဲချောင်းစိုက်ပျိုးခြင်း
မြစ်ဝကျွန်းပေါ်ဒေသများတွင် မြစ်ရေကြီး၍ မြစ်ရေကျသွားချိန်တွင် နုန်းတင်မြေနုများတွင် ကိုင်းအာလူးအဖြစ် စိုက်ပျိုးလေ့ရှိပါသည်။ ကိုင်းအာလူးကို အောက်တိုဘာ၊ နိုဝင်ဘာလများတွင် စိုက်ပျိုးကြပါသည်။
အပင်ပြုစုခြင်း
ဟဲဟိုင်းချိုင့်ဝှမ်းတွင် စိုက်ပျိုးလေ့ရှိသည့် ရေအာလူး( ဆောင်းအာလူး) စိုက်ပျိုးရာတွင် စိုက်ပြီး (၄၅) ရက်သားတွင် (၁) ကြိမ်၊ ရက်သား (၆၀) တွင် (၁) ကြိမ်၊ အပင်သက်တမ်းတစ်လျှောက်တွင် မဖြစ်မနေ (၂)ကြိမ် ရေသွင်းပေးရပါမည်။ ရေမသွင်းမီကြားပေါင်းလိုက်ခြင်းနှင့် ယူရီးယားဓာတ်မြေသြဇယ ကျွေးခြင်း၊ ပိုးသတ်ဆေးဖျန်းခြင်းတို့ကို တစ်ပြိုင်နက်ဆောင်ရွက်ပြီး ဘောင်တင်ပေးရပါမည်။
ကုန်းအာလူးကို တောင်စောင်းဆင်ခြေလျောများတွင် မိုးရေကိုအားထား၍ စိုက်ပျိုးခြင်းဖြစ်သဖြင့် ရေသွင်းခြင်းလုပ်ငန်းကို အထူး ဆောင်ရွက်ပြီး ဘောင်တင်ပေးရပါမည်။
ကုန်အာလူးကို တောင်စောင်းဆင်ခြေလျောများတွင် မိုးရေကိုအားထား၍ စိုက်ပျိုးခြင်းဖြစ်ပါသဖြင့် ရေသွင်းခြင်းလုပ်ငန်းကို အထူး ဆောင်ရွက်စရာမလိုပါ။ စိုက်ပြီး ရက် (၃၀) သားခန့်တွင် ပေါင်းလိုက်ပေးရပါမည်။ တစ်လ(၂) ကြိမ်ခန့် ပေါင်းလိုက်ပေးနိုင်လျှင် ပိုကောင်းပါသည်။ ပေါင်းလိုက်ခြင်းနှင့် ဘောင်တင်ခြင်းကို တစ်ပြိုင်နက်တည်း ဆောင်ရွက်ပေးရပါမည်။
ကိုင်းအာလူးကို မြစ်ဝကျွန်းပေါ်ဒေသ မြစ်ကမ်းပါးသောင်ပြင်များတွင် မြစ်ရေကျချိန်တွင် နှုန်းတင်မြေနုများတွင် စိုက်ပျိုးကြသဖြင့် မြေသြဇာအဖြစ် ယူရီးယားကို အနည်းငယ်သာ ကြဲပက်ပေးရန် လိုပြီး စိုက်ပြီး (၄၅) ရက်တွင် တစ်ကြိမ်၊ ရက် (၆၀) တွင် တစ်ကြိမ် ကြဲပက်ပေးရပါမည်။ ရေသွင်းခြင်းလုပ်ငန်း လုံးဝဆောင်ရွက်ပေးခြင်းမရှိပါ။
ရေသွင်းခြင်း
မိုးရာသီတွင်စိုက်ပျိုးသော အာလူးများကို ရေသွင်းပေးရန် မလိုအပ်ပါ။ ဆည်ရေ၊ ချောင်းရေ မြောင်းရေရရှိသည့် ဒေသများတွင် ဆောင်းရာသီတွင် စိုက်ပျိုးပါက မြေအမျိုးအစားနှင့် အပင်သက်တမ်းပေါ်မူတည်ပြီး၊ ရေသွင်းသည့် အကြိမ် (၃)ကြိမ်မှ (၅) ကြိမ်အထိ ရေပေးသွင်းရန် လိုအပ်ပါသည်။ အာလူးစိုက်ချိန်တွင် အောက်မြန်မာပြည်ဒေသများတွင် အပင်ပေါက်ရရှိစေရန် စိုက်ပြီး တစ်ပတ်အတွင်း မဖြစ်မနေရေပေးသွင်းသင့်ပါသည်။ အပင်ပေါက်စုံသည်အထိ မြေတွင်းအစိုဓာတ် မပြတ်စေရန်ဂရုစိုက်ရန် လိုအပ်ပါသည်။ ရေပေးသွင်း သည့်အခါ အာလူးစိုက်ဘောင်များကြားတွင် ကြာရှည်စွာရေ၀ပ်ခြင်း၊ ရေစိမ့်ခြင်းများမရှိစေရန် ဂရုစိုက်ရပါမည်။ ရေ၀ပ်၊ ရေစိမ့်ခြင်းများ ရှိပါက အာလူးမျိုးဥများ ပုပ်၍ ပျက်စီးသွားနိုင်ပါသည်။
ပိုးမွှားရောဂါကာကွယ်ခြင်း
အာလူးစိုက်ခင်းများတွင် အဓိကကျရောက်သည့် ပိုးမွှားမှာ 28-Spotted Beetle ခေါ်(၂၈) ပြောက်ကျိုင်း ကျရောက်ပာသည်။ မိုးရာသီတွင် မိုးနည်းပြီးခြောက်သွေ့သောကာလများနှင့် ဆောင်းရာသီတွင် ခြောက်သွေ့သောကာလများတွင် ကျရောက်တတ်ပာသည်။ ၎င်းပိုးကို ကာကွယ်ရန်အတွက် Decis နှင့် Alsan ပိုးသတ်ဆေးများဖြင့် ကာကွယ်နိုင်ပာသည်။
အာလူးစိုက်ခင်းတွင် အဓိကကျရောက်တတ်သည့် ရောဂါမှာ၊ Early Blight, Late Boight နှင့် Bacterial wilt ခေါ် ပင်ညှိုးရောဂါများ ဖြစ်ပါသည်။ Late Blight ရောဂါသည် မှိုကြောင့်ဖြစ်ပြီး မိုးရာသီတွင် လေထုတွင် စိုထိုင်းစများပါက၊ ရောဂါဖြစ်ပွားမှု မြန်ဆန်ပြီး အာလူးခင်းများ ပျက်စီးသည့်အထိ ကျရောက်တတ်ပါသည်။ ၎င်းရောဂါကို ကာကွယ်ရန် Ridomil M.Z မှိုသတ်ဆေးကို ရောဂါကျ ရောက်နိုင်သည့် အခြေအနေပေါ်မူတည်ပြီး ပက်ဖျန်းကာကွယ်ရန် တစ်ဧကလျှင် (၃-၅) ကီလိုဂရမ်နှုန်းလိုအပ်ပါသည်။ Early Blight ရောဂါသည် ရာသီဥတုခြောက်သွေ့ပြီး အနည်းငယ် စွတ်စိုသည့် ကာလများတွင် ကျရောက်တတ်ပာသည်။ ၎င်းရောဂါကို ကာကွယ်ရန် Daconil မှိုသတ်ဆေး (၃) ကီလိုဂရမ်နှုန်း အပင်ငယ်စဉ်ကပင် ကြိုတင်ကာကွယ်ပက်ဖျန်းရန် လိုအပ်ပါသည်။ Bacterial wilt (အာလူးပင်ညှိုးရောဂါ) သည် Bacteria ကြောင့်ဖြစ်ပြီး ၎င်းရောဂါကို ကာကွယ်ရန် အတွက် အာလူးစိုက်မြေအား (၂-၃) မြေလှပ် ထားပေးခြင်းနှင့် အာလူးနှင့်မျိုးရင်းတူသည့်မျိုးများ (ဥပမာ – ခရမ်းချဉ်၊ ငရုတ်၊ ခရမ်း) တို့နှင့် သီးထပ်စိုက်ပျိုးမှုမှ ရှောင်ကြဉ်ရမည် ဖြစ်ပါ သည်။
အာလူးများ စားသုံးရန်နှင့်မျိုးအတွက် သိုလှောင်ထားရှိစဉ် အဓိကဖျက်ဆီးသည့်ပိုးမှာ Tuber Moth ခေါ် အာလူးဥတိုး ဖလံဆိုးဝါးစွာ ကျရောက်တတ်ပါသည်။ အလင်းရောင်ရသည့် အခန်းများတွင် ပိုမိုဖြစ်ပွားကြောင်း တွေ့ရှိရပါသည်။ မျိုးအဖြစ်ထားသည့် အာလူးမျိုးများ တွင် မျက်စိများကို ထိုးဖောက် ဖျက်စီးခြင်းမှ ကာကွယ်ရန် Sevin ဆေးမှုန့်ဖြင့် ပက်ဖျန်းကာကွယ်ရန် လိုအပ်ပါသည်။ စားသုံးရန်အတွက် သိုလှောင်ပါက အမှောင်ခန်းတွင် သိုလှောင်ထားရန် လိုအပ်ပါသည်။
တူးဖော်ခြင်းနှင့်အထွက်
(က) အာလူးကို သြဂုတ်လမှ စက်တင်ဘာလအတွင်းတွင်လည်းကောင်း
(ခ) ဆောင်းအာလူးကို ဧပြီ မှ မေလအတွင်းတွင်လည်းကောင်း တူးဖော်ကြသည်။
စိုက်ပြီး (၃) လခွဲခန့်ကြာလျှင် အာလူးပင်များခြောက်သွေ့နှုန်း ကျသွားပါသည်။ ထိုအချိန်တံင် အာလူးတူးဖော်ရန် အကောင်းဆုံးအချိန် ဖြစ်ပါသည်။ ပေါက်ပြားဖြင့်ပေါက်၍လည်းကောင်း၊ အကြောင်းလိုက် ထယ်ထိုး၍လည်းကောင်း တူးဖော်ပြီး လက်ဖြင့် ကောက်ယူရ သည်။ တူးဖော်ချိန်စောပါက ကိုင်တွယ်သယ်ယူရာတွင် ပုပ်တတ်သည်။ ရင့်မှ တူးဖော်လျှင်အထွက်ကောင်း၍ အထားခံသည်။ မြေမာလျှင် အာလူးဥဖော်ရာ တွင်ဥများကိုထိခိုက်ဒဏ်ရာများ ရစေတတ်ပါသည်။ မြေအခြေအနေနှင့် မျိးအခြေအနေပေါ်မူတည်၍ အထွက်နှုန်းမှာ မျိုးနှုန်းပမာဏ၏ (၅ ဆ မှ ၁၀ ဆ) အထိ ထွက်ရှိနိုင်သဖြင့် အထွက်မှာ (၃၀၀၀ မှ ၇၀၀၀) ပိဿထိ ထွက်ရှိနိုင်ပါသည်။
စနစ်တကျ ထားသိုထုပ်ပိုးပြုပြင်ခြင်း
တူးဖော်ပြီးသည့် အာလူးများကို လေ၀င်၊ လေထွက်ကောင်းပြီး ခြောက်သွေ့သောအခန်းများတွင် ထားသိုနိုင်ပါသည်။ ထာသိုခြင်းမပြုမီ အာလူးပုပ်များရွေးချယ်ခြင်း၊ ဒဏ်ရာရအာလူးဥများကို ဖယ်ထုတ်ပြီး သတ်မှတ်ထားသည့် အရွယ်အစားအလိုက် အမျိုးအစားခွဲခြား၍ သိုလှောင်နိုင်ပါသည်။ သိုလှောင်စဉ် အစိုဓာတ်ပြန့်ခြင်းမရှိစေရန် ဂရုစိုက်ရပါမည်။ စားသုံးမှုအတွက် အမှောင်ခန်းတွင် ထားသိုသင့် သည်။ အလေင်းရောင်ရရှိပါက အာလူးဥခွံအရောင်စိမ်းလာပြီး စားသုံးမှုအဆင့်အတန်း (Eating Quality) ကျဆင်းသွားပါသည်။ အအေးခန်းများတွင် အပူချိန် (၅-၁၀) ဒီဂရီစင်တီဂရိတ် နှင့် စိုထိုင်းစ (၆၀-၇၀%) တွင် ထားသိုပါက အာလူးမျိုးဥများ အညှောင့်ပေါက်ခြင်း မှ ကာကွယ်သည့်အပြင် စားသုံးမှုအဆင့်အတန်း(Eating Quality) ကို (၅) လနှင့်အထက် ထိန်းသိမ်းထားရှိနိုင်ပါသည်။ အာလူးများကို လေလုံသည့်အိတ်များနှင့် တင်ပို့ရောင်ချခြင်းမပြုသင့်ပါ။ လေ၀င်လေထွက်ကောင်းသည့် ပလပ်စတစ်အိတ်ကျဲများဖြင့် တင်ပို့ရောင်းချနိုင် ပါသည်။
Source by –
ဟင်းသီးဟင်းရွက်စိုက်ပျိုးနည်း
စိုက်ပျိုးရေးနည်းပညာ
#Credit_to_Pissaya_Myanmar
Comments
Post a Comment