အပိုဝင်ငွေရဖို့ နိုကိုဘယ်လိုစနစ်တကျစိုက်ပျိုးမလဲ
မြန်မာအမည် - နိုကို
အင်္ဂလိပ်အမည် - knol – khol (or) knol – rabi
ရုက္ခဗေဒအမည် - Brassica Oleracea Linn
မျိုးရင်း - Cruciferae
မူရင်းဒေသ
-------------
ဥရောပအနောက်ပိုင်းတိုင်းပြည်တွေဖြစ်ပါတယ်။
အမျိုးအစား
-------------
ကျော်ကြားတဲ့မျိုးတွေကတော့ White Vienna သက်လျင်မျိုးအဝိုင်းနဲ့ အစိမ်းရင့်ရောင်ဖျော့၊အသားညက်ပြီး အရွက်အလတ်တန်းစားဖြစ်ပါတယ်။ Purple Vienna ဟာ (၇-၁၀)ရက်ပိုပြီးတော့ အသက်ကြီးပါတယ်။ ဥအပြင်အရောင်ကတော့ ခရမ်းရောင်၊အတွင်းသားဟာ အစိမ်းနုရောင်ဖြစ်ပါတယ်။ နိုကိုဟာ အအေးကြိုက်တဲ့အပင်မျိုးဖြစ်ပါတယ်။
စိုက်ပျိုးတဲ့ဒေသ
-------------------
အအေးကြိုက်သီးနှံဖြစ်တဲ့အတွက် ရှမ်းပြည်နယ်မှာ အများအပြားစိုက်ပျိုးပါတယ်။ ဆောင်းရာသီမှာ မန္တလေးလိုမြို့ကြီးတွေမှာ အနည်းအကျဉ်းစိုက်ပျိုးပါတယ်။
မြေအမျိုးအစားနှင့်ရာသီဥတု
--------------------------------
• သဲမြေနဲ့ အလွန်စေးတဲ့မြေတွေကလွဲရင် ကျန်တဲ့မြေတွေမှာ ပြုပြင်စိုက်ပျိုးနိုင်ပါတယ်။ မြေချဉ်ငန်ဓာတ် (၆-၆.၅)ရှိတဲ့မြေမျိုးကို ပိုပြီးနှစ်သက်ပါတယ်။
• နိုကိုဥကောင်းကောင်းဖြစ်ထွန်းနိုင်ဖို့ အပူချိန် (၆၅-၇၅)ဒီဂရီဖာရင်ဟိုက်လိုအပ်ပါတယ်။
စိုက်ပျိုးချိန်
-------------
မြေပြန့်ဒေသမှာ အောက်တိုဘာ-နိုဝင်ဘာ၊တောင်ပေါ်ဒေသတွေမှာ မေနဲ့ဇွန်လတွေမှာ စိုက်ပျိုးကြပါတယ်။
မျိုးစေ့နှုန်း
-----------
တစ်ဧကအတွက် မျိုးစေ့ (၁၀-၁၃)အောင်စလိုအပ်ပါတယ်။
ပျိုးထောင်ခြင်း
----------------
အနံ ၂ပေခွဲ၊အလျား ၁၀ပေရှိတဲ့ မြေဘောင်(၅)ဘောင်ကိုပြင်ပြီး ဘောင်ပေါ်မှာ ကောင်းကောင်းဆွေးမြေ့တဲ့ မြေဆွေးကို ပါးပါးဖြန့်ထားပေးရပါမယ်။ အဲဒီနောက် မျိုးစေ့၁၀အောင်စကို တစ်စေ့နဲ့တစ်စေ့ (၂)လက်မစီခြားပြီး ညီညီညာညာချပေးရပါမယ်။ အဲဒီမျိုးစေ့ပေါ်ကို မြေသားနဲ့သဲ အနည်းငယ်ရောထားတဲ့ မြေနဲ့ ဖုံးထားရပါမယ်။ ၁လက်မ(သို့) ၁လက်မကျော်ကျော်ရှိတဲ့ကောက်ရိုးပြတ်တွေနဲ့ ပါးပါးလေးအုပ်ပေးပြီး ရေပန်းခရား အပေါက်သေးနဲ့ရေဖျန်းပေးရပါမယ်။ လိုအပ်ရင် သတင်းစာစက္ကူနဲ့(၂)ရက်ခန့်အုပ်ထားပေးရပါမယ်။ (၃-၄)ရက်ခန့်ကြာရင် အညှောင့်ပေါက်လာပါမယ်။
စိုက်ခင်းပြုပြင်ခြင်း
---------------------
• စိုက်ခင်းမြေကို (၁)လခန့်ကြိုပြီး ပြင်ထားရပါမယ်။ နွားချေး၊မြေဆွေးတွေကို (၃)တန်လောက် ထည့်ပေးရပါမယ်။ အဲဒီနောက် ထယ်တစ်စပ် ထွန်(၂)စပ်ဝင်ရပါမယ်။
• သဘာဝမြေသြဇာအပြင် ဓာတ်မြေသြဇကြိုလည်း မြေပြင်ချိန်မှာ တစ်ဧကကို ယူရီးယား (၁၁၂)ပေါင်၊တီစူပါ (၁၆၀)ပေါင် ၊ပိုတက်ရှ် (၅၆)ပေါင်ထည့်ပေးရပါမယ်။ စိုက်ပြီး တစ်လခွဲခန့်မှာ ယူရီးယား (၁၁၂)ပေါင်ကို စိုက်ခင်းထဲထည့်ပေးရပါမယ်။
ရွှေ့ပြောင်းစိုက်ပျိုးခြင်း
-------------------------
ပျိုးသက်(၃၀-၄၀)ရက်မှာ ပြောင်းရွှေ့စိုက်ပျိုးရပါမယ်။ တစ်ပင်နဲ့တစ်ပင် (၆-၈)လက်မ ၊တစ်တန်းနဲ့တစ်တန်း (၁၀-၁၂)လက်မခန့်ထားပြီး စိုက်ပျိုးသင့်ပါတယ်။ (၁၅)ရက်ခြားတစ်ကြိမ် ပေါင်းနှုတ်မြေဆွလုပ်သင့်ပါတယ်။ ညနေခင်းပိုင်းမှာ ရွှေ့ပြောင်းစိုက်ပျိုးသင့်ပါတယ်။
ဆွတ်ခူးခြင်းနှင့်အထွက်
----------------------------
တစ်ဧကမှာ ပျမ်းမျှ (၁၀-၁၂)တန်ခန့်ထွက်ပါတယ်။
ထားသိုခြင်း
-------------
ပုံမှန်အားဖြင့် နိုကိုကို ကြာရှည်သိုလှောင်ရောင်းချခြင်းမရှိပါ။ ဒါပေမယ့် စိုက်ခင်းနဲ့အရမ်းဝေးတဲ့ဈေးကွက်ကိုပို့ဆောင်တဲ့အခါ၊ ရက်ပိုင်းအတွင်းထားသိုဖို့ အကောင်းဆုံး အနေအထားကတော့ စိုထိုင်းဆ (၉၀-၉၅)% နဲ့ အပူချိန် (၃၂)ဒီဂရီဖာရင်ဟိုက်ဖြစ်ပါတယ်။
Source ;စိုက်ပျိုးသုတ ပစ္စယ
Comments
Post a Comment